Plantun de Prouvènço

Pèr coumpara dos planto d'encò nostre

Potentilla recta & Vicia lathyroides

Potentilla recta

Rosaceae

Nom en français : Potentille dressée.

Descripcioun :
Lou fragoun-dreissa trachis dins li pelouso à senòbi, li prado e dins lis isclo. Es un grand fragoun pelut que pòu faire fin qu'à 80 cm d'aut. Se recounèis à si flour jauno clar e subretout à si fueio di grand fueioun descoupa. Cuberto de péu, es un pau grisouleto. La planto èi marcado sus listo roujo categourìo LC, valènt à dire soucit minour.

Usanço :
Counneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Potentilla
Famiho : Rosaceae

Ordre : Rosales

Coulour de la flour : Jauno
Petalo : 4
Ø (o loungour) flour : 3 à 4 mm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Abriéu à juliet

Liò : Prado - Pelouso - Isclo
Estànci : Subremediterran à Mountagnard
Couroulougi : Éurasiatico
Ref. sc. : Potentilla recta L., 1753

Vesso(-fausso-jaisso)

Vicia lathyroides

Fabaceae Leguminosae

Noms en français : Vesce fausse gesse, Vesce printanière.

Descripcioun :
Aquelo vesso, primo e basso, a de pichòti flour soulitàri e vióuleto sènso pecou. Vèn bèn dins li relarg sablous. Li fueio, pelouso, d'en bas an 2 parèu de fueioun, e mai pèr li fueio d'en aut (3 à 4 parèu emé uno vediho simplo). Li dóusso soun sènso péu e negro un cop maduro. Ei bessai poussible de s'engana emé Vicia peregrina, mai aquelo a de fueioun mai prim e un pichot pecou que l'estaco à la cambo. Coumpara emé la vesso-di-gròssi-dóusso.

Usanço :
Ramenten qu'èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Erbo
Taio : 5 à 25 (40) cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 1700 m
Aparado : Noun

Liò : Sablo - Roucaio - Champ
Estànci : Termoumediterran à Mountagnard
Couroulougi : Pancaro entresigna
Ref. sc. : Vicia lathyroides L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Potentilla recta & Vicia lathyroides

RRR

Coumpara Fragoun(-dreissa) emé uno autro planto

Coumpara Vesso(-fausso-jaisso) emé uno autro planto